分卷阅读51 (第2/2页)

Johnny真系神通广大，呢件事我从来冇同人讲过，点解佢都会知呢？

十九岁嘅我刚读完预科，一心諗住入大学，点知人算不如天算，成绩未如理想，前路茫茫，又吾想重读中七，最后响无可无不可嘅情况下去左考警队，贪佢人高又高又隐定，可能平时都有做开运动又打开波，体能都算系几好，所以又咁好彩一次就比我考到，记得入学堂嘅第一日，我一早带齐行李就搭车入黄竹坑报到，因為惊迟到，所以预早左好多出门口，比预定时间早左好多到达，被指示去报到室度等，我以為我会系第一个到，点知原来重有人早过我，见佢著住便服坐响度，身旁一个大背囊，身材高大壮硕，吾知道嘅重以為佢系警察添，样貌有点儿孩子气，但就不苟言笑，有dcool，只系望左我一眼就冇再理我，搞到我都吾敢坐埋佢身边。重有成大半个鐘先够鐘，百无聊赖，都系忍吾住去聊吓佢倾偈，与其未来日子同佢可能会有好多机会接触，当系识多个朋友先都好。呢次系我第一次同佢接触，佢吾多友善，我对佢冇羊好感，但亦都开始左我同佢嘅一段难忘嘅往事。同佢倾左冇耐，吾系倾偈，应该系我同佢讲先真，我同佢讲左好多野，但系佢就有句冇句，只系知道佢叫卓晧，英文名叫Howard，入警校系為左想做警察，就系咁多！！！

训练终於开始，警校嘅训练绝不轻鬆，就如训练有素的我也感到吃力，加上体力与脑力的交替折磨，部分学员已经出现疲态，有些更加频临崩溃边缘，幸好我的同班学员都都互相鼓励支持，基本上都总算捱得过！当然当中仍然有一些表现比较突出的学员，能文能武，表现突出，训练开始后两星期已经渐露锋芒，成绩独佔鰲头，卓晧与我就系当中嘅表表者，相处落离卓晧比我嘅感觉系高傲同好胜，慢慢我的就成為互相竞争嘅对手，可能因為呢个原因，我同佢唔算系好好嘅朋友，亦都吾多沟通，不过我都好欣赏佢系一个光明磊落又有正义感嘅正人君子，我的都算系良性竞争，同班同学都睇好我的其中一个会攞到毕业时嘅银鸡奖，不经不觉我都对嘅留意多左，慢慢少左偏见，多左欣赏！响训练期间学员经常都会分组互相合作，同卓晧合作嘅机会多左，对佢就更加了解，佢系一个外冷内热嘅人，平时以冷酷嘅外表掩饰自己嘅内心，系一个自我保护性好强嘅人。我对佢嘅感觉就由抗拒变成理解，继而產生好感！不过仍然只系停留在君子之交嘅关系。

我开始对卓晧呢个人產生兴趣，从其他学员口中打听到佢系单身冇女朋友，屋企嘅父母早已经退休，重有一个细佬读紧中学，系家中嘅经济支柱，经济压力好大，可能因為咁样令到佢个人比较自我保护。第110页

经过咁耐以嚟嘅努力，学警训练好快进入尾声，对卓晧嘅认识日深，每当同佢独处嘅时候，都会有一种好微妙嘅感觉出现，有时又会欲言又止，当然呢种感觉唔代表d羊，亦都可能系我諗多左，总之同佢一齐嗰阵时就会有一种浑身吾自在嘅感觉.....终於去到毕业前嘅最后一个考验，学员要分成两个人一组到荒岛上渡过与世隔绝嘅三日两夜，完成指定嘅任务，有合作嘅任务亦都有竞争嘅环节。抽籤结果居然系我同卓晧成為一队，都唔知系开心定系担心好，开心嘅当然系我终於可以响毕业之前有更多同佢独处嘅机会，以后各散东西，都吾知会